رواية عشقت امبراطور الصعيد

ماسه: نزلت من العربيه وكانت مبهوره بشكل البيت وقد اي جميل..

الجد: اهلا اهلا بمرات الغالي..

ماسه: ميلت علي ايدو ة باستها وبعدين قالت أنا ماسه 

الجد:  عاشت الاسامي يا بنتي بعدين سلم عليها هو كمان...

بعدين نده علي حفيظه تيجي..

حفيظه: خير يا حج.

الجد: عايزك تاخدي ماسه الاوضه بتاعتها فوق..

حفيظه: من عنيا حاضر تعالي يا بنتي..

طلعت ماسه الأوضه هي وحفيظه..

حفيظه: ارتاحي دلوقت عشان بليل هيبقي في احتفال بالجواز وكده وبعدين سابتها وخرجت...

فضلت ماسه حوالي نص ساعه علي السرير بعدين نامت..

بعد 3 ساعات..

ريتال وصفيه بيخبطوا علي باب أوضه ماسه 

ماسه: ادخل..

ريتال: فتحت الباب وقالت جدي بعتنا عشان نبقي معاكي علي ما تتجهزي..

ماسه: ابتسمت وبعدين قالت جيتوا في وقتكوا الصراحه مكنتش عارفه اعمل اي..

صفيه: ادتها فستان كان حلو اوي ومحتشم لان هما صعايده ومينفعش حد عندهم يتكشف..

ماسه اخدتوا وبعدين لبست وخرجت توريهم..

ريتال: بسم الله ما شاء قمر 

ماسه: شكرًا

و بعد شويه خلصوا التجهيزات وماسه كانت لبست ونزلت قعدت تحت مع الستات والاحتفال بدأ وكان جو مليان بالسعاده..

عدي حوالي 2 ساعتين في الفرح لحد ما ماسه تعبت والحد قالها تطلع ترتاح..

طلعت ماسه الأوضه الجديده بتاعتها ولحد دلوقتي مكنتش شافت العريس كل الي تعرفه عنه اسمه بس..

اول ما دخلت  ماسه الاوضه راحت فتحت الدولاب عشان تغير الفستان لانو كان تقيل اوي..

بصت ماسه علي الهدوم الي في الدولاب وكانت كلها عباره عن قمصان نوم فضلت تنقي فيهم لحد ما لقت هدوم محتشمه شويه وطلعتها..

دخلت غيرت هدومها وقعدت برا علي السرير..

شويه والباب اتفتح وفي شخص دخل ماسه اول ما شافته فضلت تصوت..

الفصل الثاني

شويه والباب اتفتح وفي شخص دخل ماسه اول ما شافته فضلت تصوت

الشخص ده قفل الباب وجري عليها وحط أيدو علي بوقها وقال عارفه لو شلت أيدي وصوتي والله ليكون أخر صوت ليكي وكان بيبص ليها بنظره تحذير..

ماسه: هزت راسها بمعني تمام..